_____________________________________
🔆 QURBAANI KA HUKM 🔆

MASLAH:-  Qurbaani ka hukm ye hai keh us ke zimmah jo Qurbaani wajib hai kar lene se bariuzzimmah ho gaya.

#(Bahar e shari'at)


MASLAH:-  Achhi niyyat se ki hai riya (dikhawa) wagairah ki mudakhalat nahin to allah ke fazl se ummeed hai keh aakhirat men uska sawab mile.


MASLAH:- Ek se ziyadah Qurbaani ki sab Qurbaaniyaan jaayez hain ek wajib baaqi nafl.

#(Bahar e shari'at)


MASLAH:-  Agar ek poori gaaye Qurbaani ki to poori se wajib hi ada hoga ye nahin keh saatwa hissa hi wajib ho baaqi nafl.

#(Bahar e shari'at)


⚡QURBAANI KI MANNAT KA BAYAN⚡

MASLAH:- Qurbaani ki mannat sahih hai agar shart paayi gayi to Qurbaani karna wajib hai
maslan kisi ne kaha mera fulaan kaam ho jaaye to main Qurbaani karunga aur oh kaam ho gaya to Qurbaani wajib hai.


MASLAH:- Qurbaani ki mannat maani aur ye mu'ayyan nahin kiya keh gaaye ki Qurbaani karega ya bakri ki to mannat sahih hai bakri ki Qurbaani kar dena kaafi hai.

#(Bahar e shari'at)


MASLAH:- Agar bakri ki Qurbaani ki mannat maani to oont ya gaaye  Qurbaani kar dene se bhi mannat poori ho jaayegi.

#(Bahar e shari'at)


MASLAH:- Mannat ki Qurbaani men se kuchh na khaye balkeh sara gosht wagairah sadqa kar de aur kuchh kha liya to jitna khaya uski qeemat sadqa kar de.

#(Bahar e shari'at)


MASLAH:- Maalik e nisaab ne Qurbaani ki mannat maani to uske zimmah 2 Qurbaaniyaa wajib ho gayin ek oh jo gani par wajib hoti hai aur ek mannat ki wajah se.

#(Bahar e shari'at)


MASLAH:- 2 yaa 2 se ziyaadah Qurbaaniyo ki mannat maani to jitni Qurbaaniyo ki mannat hai sab wajib hai.

#(Bahar e shari'at)

📕»»  FAZAAIL O MASAAIL E EIDUL AZHA O QURBAANI
--------------------------------------------------------
📝 MURATTIB -  MUFTI DILSHAD AHMAD QADRI RAZVI 
Khadimul Ifta Razvi Amjadi darul Ifta 50 / Qazi street Mumbai 400003

 📌 Click Here for Other Parts ⬇
https://MjrMsg.blogspot.com/p/qurbani-ka-bayan.html



Comment with Facebook